KOMUNA VRAPÇISHTIT

Komuna e Vrapçishtit gjendet në mes të qytetit të Tetovës dhe Gostivarit, në luginën e malit Sharr, në pjesën Veri-Perëndimore të Republikes së Maqedonisë së Veriut.

Komuna e Vrapçishtit gjendet në mes të qytetit të Tetovës dhe Gostivarit, në luginën e malit Sharr, në pjesën Veri-Perëndimore të Republikes së Maqedonisë së Veriut, në të cilën përfshihet një pjesë e madhe e Fushës së Pollogut. Kufizohet me Komunën e Bogovinës, Bervenicës, Gostivarit, dhe në perëndim me Republikën e Kosovës. Si mjedis rural përfshin përafërsisht 192 km², me 28.100 banorë. Komuna e Vrapçishtit është mjedis multietnik në të cilin jetojnë: Shqipëtarë, Turq, Maqedonas, dhe pjesëtarë të nacionaliteteve tjera. Si komunë rurale funksionon prej vitit 1996, kurse në mandatin e tretë te pushtetit lokal me bashkimin e Komunës së Vrapçishtit dhe Komunës së Negotinës së Pollogut u formua Komuna e Vrapçishtit si një komunë e përbashkët dhe e vetme në tërë teritorin e Vrapçishtit dhe të ish Komunës së Negotinës së Pollogut

Impressum:
Email: [email protected]
Telefoni.: +389 42 332 378
Adresa.: Rruga 100 pa numër – 1238 Vrapçisht, RMV

AKTIVITETET

Investimet kapitale nga ana e Komunës këtë radhë i takojnë kulturës

Publikuar në Jul 31, 2019

Investimet kapitale nga ana e Komunës këtë radhë i takojnë kulturës.
Komuna e Vrapçishtit vazhdon më punën intenzive në investime kapitale për të gjithë banorët e komunës. Këtë radhë është nënshkruar kontratë në interes kulturor, kontratë e cila parasheh rikonstruktimin e Pallatit të Kulturës “Shota” në f. Negotinë. Kjo kontratë u nënshkrua nga Kryetari i Komunës së Vrapçishtit z. Isen Shabani dhe Ministri i Kulturës z. Hysni Ismaili. Kontrata përfshin vlerën e 18.418.524,00 Denarëve dhe e njejta pritet të fillojnë nga fundi i muajit të ardhshëm. Komuna së bashku me Ministrinë e Kulturës do të aktivizohen që ky objekt të jetë plotësisht në funksion dhe me kushte moderne.