KOMUNA VRAPÇISHTIT

Komuna e Vrapçishtit gjendet në mes të qytetit të Tetovës dhe Gostivarit, në luginën e malit Sharr, në pjesën Veri-Perëndimore të Republikes së Maqedonisë së Veriut.

Komuna e Vrapçishtit gjendet në mes të qytetit të Tetovës dhe Gostivarit, në luginën e malit Sharr, në pjesën Veri-Perëndimore të Republikes së Maqedonisë së Veriut, në të cilën përfshihet një pjesë e madhe e Fushës së Pollogut. Kufizohet me Komunën e Bogovinës, Bervenicës, Gostivarit, dhe në perëndim me Republikën e Kosovës. Si mjedis rural përfshin përafërsisht 192 km², me 28.100 banorë. Komuna e Vrapçishtit është mjedis multietnik në të cilin jetojnë: Shqipëtarë, Turq, Maqedonas, dhe pjesëtarë të nacionaliteteve tjera. Si komunë rurale funksionon prej vitit 1996, kurse në mandatin e tretë te pushtetit lokal me bashkimin e Komunës së Vrapçishtit dhe Komunës së Negotinës së Pollogut u formua Komuna e Vrapçishtit si një komunë e përbashkët dhe e vetme në tërë teritorin e Vrapçishtit dhe të ish Komunës së Negotinës së Pollogut

Impressum:
Email: [email protected]
Telefoni.: +389 42 332 378
Adresa.: Rruga 100 pa numër – 1238 Vrapçisht, RMV

AKTIVITETET

Sot u vendos që në fshatin Dobridoll të ndërtohet salla e sportit

Publikuar në Jul 24, 2019

Komuna e Vrapçishtit investimet i përqendron gjithmonë në sferën e arsimit dhe zhvillimit në aspekt të përgjithshëm. Duke u munduar të përfshijë çdo vendbanim me ndërtime kapitale dhe frytdhënëse, sot u vendos që në fshatin Dobridoll të ndërtohet salla e sportit, e cila do të jetë në kuadër të shkollës fillore të këtij fshati.
Kërkesa e parashtruar nga Komuna e Vrapçishtit ndaj Ministrisë së Arsimit dhe Shkencës sot u miratua dhe u vendos që punimet për këtë sallë të fillojnë në Tetor të këtij viti.
Marëveshja u nënshkrua nga Kryetari i Komunës së Vrapçishtit z. Isen Shabani, Drejtori i Sh.F.K z. Bujamin Emini dhe Ministri i Arsimit dhe Shkencës z. Arbër Ademi.
Kjo sallë pritet të përfundojë në afat sa më të shkurtër kohor dhe do të jetë në shërbim të të gjithë banorëve.