KOMUNA VRAPÇISHTIT
Komuna e Vrapçishtit gjendet në mes të qytetit të Tetovës dhe Gostivarit, në luginën e malit Sharr, në pjesën Veri-Perëndimore të Republikes së Maqedonisë së Veriut.

Kryetari i Komunës së Vrapçishtit në takim me kryetarët e Komunave të Pollogut dhe kompaninë Amerikano-Gjermane për projekte

187

Sot, në Komunën e Zhelinës përfaqësues të korporatës amerikane ITM Controls d.o.o me seli në Bosnje dhe Hercegovinë realizuan takim me komunat e Zhelinës, Bogovinës, Vrapçishtit dhe Gostivarit dhe disa komuna tjera me ç’rast u prezantuan fushat e caktuara ku mund të investohet ne komunat e Maqedonisë e sidomos në komunat në territorin e Pollogut.

Deponia, reciklimi i ujërave, energjia dhe sektori privat, ishin tre çështjet për të cilat u bisedua në takimin e sotëm të përfaqësueseve të rajonit të Pollogut dhe përfaqësuesve të një korporate amerikano-gjermane. Sot u bë edhe prezantimi i tre projekteve në fjalë, për mënyrat se si do të zhvillohej funksionimi i tyre. Nijaz Salihazhiç, koordinator i projektit prezantoi një sistem i cili prodhon energji elektrike të drejtpërdrejtë dhe i njëjti do të sillte deri në 70% fatura më të lira të energjisë për banorët e këtij rajoni.

Kryetari i komunës së Zhelinës Blerim Sejdiu u shpreh se ata si kryetarë komunash përmes këtij prezantimi kanë përfituar shumë.

“Patëm rastin që me kryetarët e komunave rajonale të Pollogut dhe më gjerë, të Gostivarit, kryetarin e komunës së Bogovinës, Vrapçishtit, përfaqësues nga komuna e Tearcës, Kumanovës, përfaqësues nga komuna e Jegunovcës, kryetari i komunë së Bërvenicës, që të ndëgjojnë dhe të ballafaqohen drejtpërdrejtë me këtë prezantim, ku ne si komuna dhe si kryetar komunash, besoj se kemi përfituar shumë”, u shpreh në preskonferencën për media kryetari i Komunës së Zhelinës, Blerim Sejdiu.

Merr përditësime në kohë reale në pajisjen tënde, regjistrohuni tani.

Ky website përdor cookies për të përmirësuar përvojën tuaj. Ne do të supozojmë se jeni në rregull me këtë, por mund të zgjedhni nëse dëshironi. I pranoj Lexo më shumë