KOMUNA VRAPÇISHTIT

Komuna e Vrapçishtit gjendet në mes të qytetit të Tetovës dhe Gostivarit, në luginën e malit Sharr, në pjesën Veri-Perëndimore të Republikes së Maqedonisë së Veriut.

Komuna e Vrapçishtit gjendet në mes të qytetit të Tetovës dhe Gostivarit, në luginën e malit Sharr, në pjesën Veri-Perëndimore të Republikes së Maqedonisë së Veriut, në të cilën përfshihet një pjesë e madhe e Fushës së Pollogut. Kufizohet me Komunën e Bogovinës, Bervenicës, Gostivarit, dhe në perëndim me Republikën e Kosovës. Si mjedis rural përfshin përafërsisht 192 km², me 28.100 banorë. Komuna e Vrapçishtit është mjedis multietnik në të cilin jetojnë: Shqipëtarë, Turq, Maqedonas, dhe pjesëtarë të nacionaliteteve tjera. Si komunë rurale funksionon prej vitit 1996, kurse në mandatin e tretë te pushtetit lokal me bashkimin e Komunës së Vrapçishtit dhe Komunës së Negotinës së Pollogut u formua Komuna e Vrapçishtit si një komunë e përbashkët dhe e vetme në tërë teritorin e Vrapçishtit dhe të ish Komunës së Negotinës së Pollogut

Impressum:
Email: [email protected]
Telefoni.: +389 42 332 378
Adresa.: Rruga 100 pa numër – 1238 Vrapçisht, RMV

AKTIVITETET

Kushtet më të mira edukativo-arsimore

Publikuar në Oct 2, 2019

Kushtet më të mira edukativo-arsimore sjellin gjithmonë suksese më të mëdha në sferën e arsimit, prandaj Komuna e Vrapçishtit është përqendruar në këtë pjesë, duke investuar në të ardhmen e nxënësve. Kjo u dëshmua në hapjen solemne të shkollës fillore periferike të rinovuar “Naim Frashëri” në f. Senakos. Ky investim u arrit falë bashkëpunimit të Komunës me UNDP-në dhe mbështetjen e banorëve afarist. Në këtë hapje solemne morën pjesë, kryetari i komunës z. Isen Shabani, përfaqësues nga komuna, përfaqësues nga shkolla fillore, prindër të nxënësve si dhe banorë të tjerë. z. Isen Shabani u shpreh se ky është vetëm një nga shumë premtimet e dhëna të cilët vazhdimisht do të realizohen. Vlera e Projektit është 50 mijë euro. Kryetari i komunës dhe Drejtori i shkollës, shprehën falenderime të veçanta ndaj të gjithë afaristëve për bashkëpunimin.