KOMUNA VRAPÇISHTIT

Komuna e Vrapçishtit gjendet në mes të qytetit të Tetovës dhe Gostivarit, në luginën e malit Sharr, në pjesën Veri-Perëndimore të Republikes së Maqedonisë së Veriut.

Komuna e Vrapçishtit gjendet në mes të qytetit të Tetovës dhe Gostivarit, në luginën e malit Sharr, në pjesën Veri-Perëndimore të Republikes së Maqedonisë së Veriut, në të cilën përfshihet një pjesë e madhe e Fushës së Pollogut. Kufizohet me Komunën e Bogovinës, Bervenicës, Gostivarit, dhe në perëndim me Republikën e Kosovës. Si mjedis rural përfshin përafërsisht 192 km², me 28.100 banorë. Komuna e Vrapçishtit është mjedis multietnik në të cilin jetojnë: Shqipëtarë, Turq, Maqedonas, dhe pjesëtarë të nacionaliteteve tjera. Si komunë rurale funksionon prej vitit 1996, kurse në mandatin e tretë te pushtetit lokal me bashkimin e Komunës së Vrapçishtit dhe Komunës së Negotinës së Pollogut u formua Komuna e Vrapçishtit si një komunë e përbashkët dhe e vetme në tërë teritorin e Vrapçishtit dhe të ish Komunës së Negotinës së Pollogut

Impressum:
Email: [email protected]
Telefoni.: +389 42 332 378
Adresa.: Rruga 100 pa numër – 1238 Vrapçisht, RMV

AKTIVITETET

Ndryshimi vazhdon…

Publikuar në May 14, 2019

Në Komunën e Vrapçishtit u bë instalimi i sistemit fotovoltaik, projekt ky i financuar nga Bashkimi Evropian në kordinim me Bankën Botërore, Ministrin e Financave dhe në bashkëpunim me Komunën e Vrapçishtit.

Aplikimi në Ministrinë e Financave për sistemet fotovoltaike dhe fitimi i projektit në fjalë, tregon se komuna jonë investon në efikasitet energjetik dhe shfrytëzimin e resurseve natyrore duke e zvogëluar shumën për harxhime elektrike. Vlen të theksohet se ne si komunë do të vazhdojmë të investojmë edhe në objekte tjera publike që I përkasin komunës.

Ky investim (instalimi i paneleve diellore) është realizuar në këto objekte:

-Shkolla fillore “Mehmet Deralla” – Gradec

-Shkolla fillore “Vrapçisht” – Vrapçisht

-Objekti I Komunës së Vrapçishtit