Komuna e Vrapçishtit gjendet në mes të qytetit të Tetovës dhe Gostivarit, në luginën e malit Sharr, në pjesën Veri-Perëndimore të Republikes së Maqedonisë së Veriut, në të cilën përfshihet një pjesë e madhe e Fushës së Pollogut. Kufizohet me Komunën e Bogovinës, Bervenicës, Gostivarit, dhe në perëndim me Republikën e Kosovës. Si mjedis rural përfshin përafërsisht 192 km², me 28.100 banorë. Komuna e Vrapçishtit është mjedis multietnik në të cilin jetojnë: Shqipëtarë, Turq, Maqedonas, dhe pjesëtarë të nacionaliteteve tjera. Si komunë rurale funksionon prej vitit 1996, kurse në mandatin e tretë te pushtetit lokal me bashkimin e Komunës së Vrapçishtit dhe Komunës së Negotinës së Pollogut u formua Komuna e Vrapçishtit si një komunë e përbashkët dhe e vetme në tërë teritorin e Vrapçishtit dhe të ish Komunës së Negotinës së Pollogut

Impressum:
Email: [email protected]
Telefoni.: +389 42 332 378
Adresa.: Rruga 100 pa numër – 1238 Vrapçisht, RMV

Tatimi im, për komunën time

Publikuar në Jul 29, 2022

Për komuna më të mira, duke e shlyer në kohë tatimin në pronë.

Komuna e Vrapçishtit si komunë – partner e Projektit të USAID për përforcim të kapaciteteve për shfrytëzim të resurseve i bashkohet fushatës “Tatimi im, për komunën time!”

Fushata edukative “Tatimi im, për komunë time!” synon të informojë publikun se pagimi i tatimit në pronë është detyrë e çdo qytetari taksapagues, por në të njëjtën kohë kontributi i individit për ndërtimin e një të ardhmeje më të mirë në komunë.

Nëse posedoni pronë në një komunë të caktuar, atëherë ju jeni automatikisht taksapagues me të drejtë ligjore për një vendim për tatim mbi pronën tuaj, por gjithashtu edhe detyrim ligjor dhe obligim personal për të shlyer në kohë tatimin.

Çdo qytetar taksapagues duhet ta dijë se me shlyerje në kohë të obligimit të tatimit në pronë, mbush drejtë për së drejti buxhetin e komunës, përmes të cilit realizohen të gjitha projektet e planifikuara publike dhe të infrastrukturës. Ме këtë, thënë thjesht, secili prej nesh personalisht kontribuon në zhvillimin e komunës, të cilën në të ardhmen do ta zbukurojnë: kopshte të reja, kënde të reja lojërash, rrugë të reja, shkolla të reja, ndriçim i rri, parqe të reja, projekte mjedisore, projekte të reja për zhvillimi ekonomik.

Pra, kjo fushatë, synon të kontribuojë për informim në kohë dhe të saktë të taksapaguesve rreth të gjitha të drejtave dhe detyrimeve, si dhe të drejtat dhe detyrimet e komunës lidhur me tatimin në pronë.

Shkarko fletushkë

Vazhdo leximin